Azərbaycanda dövlət torpaqlarının icarəyə verilməsindən daxilolmalar üzrə proqnoz 10 % artırılır

2024-cü ildə Azərbaycanda dövlət büdcəsi gəlirlərinin 11 milyon manatının və yaxud cüzi hissəsinin dövlət mülkiyyətində olan torpaqların icarəyə verilməsi üzrə daxilolmaların payına düşəcəyi proqnozlaşdırılır.

"Report" bu barədə Maliyyə Nazirliyinə istinadən xəbər verir.

Məlumata görə, bu, 2023-cü ilin təsdiq olunmuş proqnozu ilə müqayisədə 10 % çoxdur.

Xatırladaq ki, gələn il büdcə gəlirlərinin 34 milyard 173 milyon manat, büdcə xərclərinin isə 36 milyard 763 milyon manat olacağı gözlənilir.