Azərbaycanda dövlət büdcəsi ilə bağlı maarifləndirici video-çarx hazırlanıb

Maliyyə Nazirliyi dövlət büdcəsi ilə bağlı maarifləndirici video-çarx hazırlayıb.

Qurumdan “Report”a verilən məlumata görə, video-çarx vətəndaşların mürəkkəb və xüsusi bilik tələb edən ali maliyyə sənədi olan dövlət büdcəsini daha asan və aydın şəkildə başa düşmələrinə yardımçı olacaq.

Video-çarxda ölkə idarəetməsinin ən vacib bir prosesi olan dövlət büdcəsi, o cümlədən onun strukturu, büdcənin gəlir mənbələri, xərc istiqamətləri, büdcə kəsiri, büdcə artıqlığı sadə və anlaşılan dildə izah edilir.