Azərbaycanda builki iqtisadi artımla bağlı proqnozlara yenidən baxılmalıdır.
“Report” xəbər verir ki, bunu deputat Əli Məsimli Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında "2023-cü il dövlət büdcəsinin icrası haqqında" qanun layihəsinin müzakirəsi zamanı bildirib.
"Azərbaycan kimi dinamik inkişaf edən ölkənin iqtisadi artım proqnozu 1,5 %-dir və azdır. Hesab edirəm ki, proqnoz 5 % olmalıdır. Bu ilin 4 ayının göstəriciləri də dediyim proqnoza çata biləcəyimizi göstərir", - deyə o qeyd edib.