Azərbaycan şirkətinin səhmləri üzrə hərracın tarixi açıqlanıb

Avqustun 20-də "Bakı Fond Birjası" QSC-də (BFB) Azərbaycanda ticarət və istehsalat avadanlıqları, həmçinin müxtəlif sənaye sahələri üçün həllər təqdim edən "Alpa" ASC-nin 200 min manatlıq sənədsiz, adlı, adi səhmlərin yerləşdirilməsi üzrə hərrac keçiriləcək.

"Report" bu barədə BFB-yə istinadən xəbər verir.

Məlumata görə, hər birinin nominal dəyəri 2 500 manat olan 80 ədəd adi, adlı, sənədsiz səhmə abunə yazılışı 15-19 avqust tarixlərində həyata keçiriləcək. Prosesin anderrayteri “Assist Finance İnvestisiya Şirkəti” ASC-dir. Qiymətli kağızlar tam yerləşdirilsə, şirkətin nizamnamə kapitalı 41 dəfə artaraq 5 min manatdan 205 min manata çatacaq.

Xatırladaq ki, "Alpa" 2019-cu ildə dövlət qeydiyyatına alınıb.