Azərbaycan Mərkəzi Bankının valyuta ehtiyatları bir qədər də artıb

Bakı. 4 aprel. REPORT.AZ/ Azərbaycan Mərkəzi Bankının valyuta ehtiyatları bu il aprelin 1-nə 4 432,7 mln. ABŞ dolları təşkil edib.

“Report” AMB-yə istinadən xəbər verir ki, bu, martın 1-i ilə müqayisədə 63,4 mln. dollar və yaxud 1,5% çoxdur.

İlin əvvəli ilə müqayisədə qurumun valyuta ehtiyatları 458,3 mln. dollar və yaxud 11,5%, son 1 ildə isə 366,9 mln. dollar və yaxud 9% artıb.