Azərbaycan Mərkəzi Bankının kommersiya banklarına qarşı tələbi tarixi maksimuma çatıb

Bakı. 5 fevral. REPORT.AZ/ Azərbaycan Mərkəzi Bankının (AMB) kommersiya banklarına qarşı tələbi 2015-ci ilin dekabr ayı ərzində 508,8 mln. manat və ya 10,38% artaraq 5 410,2 mln. manat təşkil edib. Bununla da banklara verilən kreditlərin həcmi tarixi maksimal həddə çatıb.

Mərkəzi Bankın kommersiya banklarına tələbi 2015-ci ilin yanvarın 1-nə nisbətən 3 931,9 mln. manat və ya 2,65 dəfə artıb.

"Report"un analitik qrupu banklara tələbin artmasını ölkənin bank sektorunda yaranmış likvidlik problemi ilə izah edir və növbəti aylarda bu göstəricinin artacağı ehtimalı olunur.