Azərbaycan Mərkəzi Bankı sığortaçı seçir

Azərbaycan Mərkəzi Bankı (AMB) əməkdaşlarının tibbi sığortalanması xidməti üçün açıq tender elan edib.

“Report” xəbər verir ki, tenderdə iştirak haqqı 450 manatdır.

İddiaçılar təkliflərini sentyabrın 18-nə qədər AMB-nin yerləşdiyi Bakı şəhəri, Rəşid Behbudov küçəsi, 90 ünvanına təqdim edə bilərlər. Tenderin ehtimal olunan məbləği 977,6 min manatdır.

Təkliflərə sentyabrın 18-i, saat 17:00-da qeyd olunan ünvanda baxılacaq.

AMB sığorta xidməti çərçivəsində 16 əməkdaşının özünün və ailə üzvlərinin sığortalanması üçün VİP paket (minimum 10 min manat), 885 əməkdaşı və onların 632 ailə üzvü üçün isə standart paket (minimum 5 min manat) satın alacaq.