Azərbaycan Mərkəzi Bankı neft-qaz qiymətlərinə dair proqnozlarını açıqlayıb

Azərbaycan Mərkəzi Bankı (AMB) bu il dünya bazarında neftin 1 barelinin orta qiymətinin 81,4 ABŞ dolları, gələn il isə 79,2 ABŞ dolları olacağını proqnozlaşdırır.

"Report" xəbər verir ki, bunu qurumun sədri Taleh Kazımov keçirdiyi mətbuat konfrasında deyib.

"Təbii qazın isə 1 000 kubmetrinin orta qiymətinin bu il 290 ABŞ dolları, gələn il isə 340 ABŞ dolları olacağını gözləyirik", - deyə o qeyd edib.

Qeyd edək ki, 2023-cü ildə “Brent”in orta qiyməti 82,41 ABŞ dolları təşkil edib.

ABŞ Energetika Nazirliyinin 2024-cü il üçün “Brent” etalon markalı neftin orta qiyməti ilə bağlı proqnozu 82,8 ABŞ dolları, 2025-ci il üçün isə 84,09 ABŞ dolları təşkil edir.