Azərbaycan Mərkəzi Bankı “Azər-Türk Bank"ın vəzifəli şəxsini cərimə edib

Azərbaycan Mərkəzi Bankı (AMB) “Azər-Türk Bank” ASC-nin vəzifəli şəxsini 2 000 manat cərimə edib.

“Report” bu barədə AMB-yə istinadən xəbər verir.

Məlumata görə, qurumun apardığı cari nəzarət prosesləri çərçivəsində “Banklar haqqında” qanunun 35.4-cü maddəsinin, “Kredit təşkilatlarının borcalanları haqqında məlumatın Mərkəzləşdirilmiş Kredit Reyestrinə verilməsi Qaydası”nın 3.3-cü bəndinin tələblərinin pozulması səbəbilə İnzibati Xətalar Məcəlləsinin 440.1-ci maddəsinə müvafiq olaraq, "Azər-Türk Bank"ın vəzifəli şəxsi cərimələnib.