Azərbaycan MDB-nin Beynəlxalq Birjalar Assosiasiyasının iclasına qatılıb

"Bakı Fond Birjası" QSC-nin (BFB) İdarə Heyətinin sədri Eldar Abdullayev mayın 17-19-da Belarusun paytaxtı Minskdə keçirilmiş MDB-nin Beynəlxalq Birjalar Assosiasiyasının illik iclasında iştirak edib.

"Report" bu barədə BFB-yə istinadən xəbər verir.

Məlumata görə, tədbir çərçivəsində Assosiyaya üzv birjaların gələcək inkişafı, birja ticarətinin aktual məsələləri, MDB ölkələrinin yerli maliyyə bazarlarının cari vəziyyəti və inkişaf perspektivləri haqqında qısa icmallar geniş müzakirə olunub.

BFB 2019-cu ildən Assosiasiyanın üzvüdür.