"Azərbaycan Kredit Bürosu"na daxil olan sorğuların sayı 4 dəfə artıb

2024-cü ildə "Azərbaycan Kredit Bürosu" MMC-yə (AKB) 185,4 milyon adi sorğu, o cümlədən 166 milyon toplu sorğu daxil olub ki, bu da 2023-cü illə müqayisədə müvafiq olaraq 3,5 dəfə və 4 dəfə çoxdur.

"Report" xəbər verir ki, bu barədə Nazirlər Kabinetinin 2024-cü ildə fəaliyyəti haqqında hesabatda bildirilir.

Bundan başqa, ötən il büronun qəbul etdiyi skorinq sorğularının sayı 18,9 dəfə artaraq 13,2 milyona çatıb.

Xatırladaq ki, "Azərbaycan Kredit Bürosu" 2018-ci il yanvarın 15-də yaradılıb. Onun nizamnamə kapitalı 2 milyon manatdır. Büronun təsisçiləri hər biri 12,5 % payla 8 bank - “Azərbaycan Beynəlxalq Bankı", “Bank Respublika”, “Xalq Bank”, “Kapital Bank”, “PAŞA Bank”, “Rabitəbank”, “Unibank” və “Ziraat Bank Azərbaycan" ASC-lərdir.