Azərbaycan əhalisinin banklardakı əmanəti bu il 18% azalıb

Bakı. 4 noyabr. REPORT.AZ/ Bu il oktyabrın 1-nə Azərbaycan əhalisinin banklardakı əmanəti 7 813,9 mln. manat təşkil edib.

"Report" Azərbaycan Mərkəzi Bankına istinadən xəbər verir ki, bu, sentyabrın 1-i ilə müqayisədə 118 mln. manat və yaxud 1,5% azdır.

Bank əmanətlərinin məbləği ilin əvvəlinə nisbətən 1,66 mlrd. manat və yaxud 17,5% azalsa da, son 1 ildə 502,1 mln. manat və yaxud 6,9% artıb.