Azərbaycan Beynəlxalq Bankında yeni təyinatlar olub

Azərbaycan Beynəlxalq Bankında yeni təyinatlar olub Elvin Məmmədov Problemli kreditlərlə iş Departamentinin direktoru vəzifəsinə təyinat alıb
Maliyyə
1721
16 Mart , 2017 12:20
Azərbaycan Beynəlxalq Bankında yeni təyinatlar olub

Bakı. 16 mart. REPORT.AZ/ Azərbaycan Beynəlxalq Bankının (ABB) menecment komandasına daha 2 yeni şəxs qoşulub. Emil Qədimov Bankın İdarə Heyəti sədrinin müşaviri vəzifəsinə təyin edilib. Bu vəzifədə o, filialların idarə edilməsi məsələləri ilə məşğul olacaq. 

"Report" bu barədə Banka istinadən xəbər verir. 

2005-ci ildə Azərbaycan Dövlət İqtisad Universitetindən məzun olmuş E.Qədimov bank sektorunda 2003-cü ildən fəaliyyət göstərir - “Unibank” ASC-də,“Bank Standard” QSC-də, “Nikoil Bank” ASC-də müxtəlif vəzifələrdə çalışıb. Son təyinata qədər ABB-nin "Səbail" filialının müdiri vəzifəsini müvəqqəti icra edib.

Elvin Məmmədov isə Bankın Problemli kreditlərlə iş Departamentinin direktoru vəzifəsinə təyinat alıb. Azərbaycan Dövlət İqtisad Universitetini bitirmiş E.Məmmədov bank sektorunda 2006-cı ildən çalışır - “Bank of Baku” ASC, “Unibank” ASC-də müxtəlif vəzifələrdə fəaliyyət göstərib. Son təyinata qədər “Azər-Türk Bank” ASC-nin Problemli kreditlər Departamentinin direktor müavini olub. O, ABB-nin Problemli kreditlərlə iş Departamentinin direktoru vəzifəsində Akif Əliyevi əvəz edib. A.Əliyev isə Bankın İdarə Heyəti sədrinin müşaviri təyin olunub.

Son xəbərlər

Orphus sistemi