Azərbaycan bankı Rusiyadan mal idxalını maliyyələşdirəcək

“Muğanbank” ASC Rusiya İxrac Mərkəzi Şirkətlər Qrupuna daxil olan “Roseksimbank” SC ilə əməkdaşlığa başlayıb.

"Report" bu barədə "Muğan Bank"a istinadən xəbər verir.

Məlumata görə, tərəflər Rusiya mallarının Azərbaycana ixrac tədarükünü maliyyələşdirmək barədə razılığa gəliblər. Rusiya məhsullarının potensial idxalçılarına əsas maliyyə alətləri ilə hərtərəfli məhsul təklifi veriləcək. Rusiya ilə Azərbaycan arasında ticarətin dəstəklənməsi üçün akkreditivlər, qarantiyalar, xarici alıcılara birbaşa kreditlər, xarici alıcıların banklarına kreditlər və ixrac gəlirləri lə təmin edilmiş debitor borclarının maliyyələşdirilməsi həyata keçiriləcək. Bu, “Muğanbank”ın müştərilərinə Rusiyadan Azərbaycana mal və xidmətin ixrac olunmasında dəstək olacaq.