Azərbaycan bankı: “Hedc məhsullarımıza maraq var”

“PAŞA Bank” ASC-nin bir çox müştəriləri Qarabağda həyata keçirilən böyük infrastruktur layihələrində iştirak edir.

“Report” xəbər verir ki, bunu Bankın Korporativ idarəetmə və inzibatçılıq departamentinin direktoru Gülər Paşayeva deyib.

“Bank olaraq onlara maliyyə dəstəyi veririk, bunun daha tez olmasına çalışırıq. Daha öncə qeyd etmişdik ki, Qarabağ regionunda filial açmaq niyyətindəyik”, - o qeyd edib.

Bundan başqa, G.Paşayeva bildirib ki, “PAŞA Bank” ölkəyə yeni korporativ məhsullar gətirməyə çalışır: “Çünki korporativ müştərilərimizin sayı artıb. Onlar arasında hedc məhsullarımıza maraq var və biz bunu təmin edirik”.