Azərbaycan bankı dövriyyəyə imtiyazlı səhmlər buraxıb

“Access Bank” QSC mövcud səhmdarlarının yeni investisiyası hesabına kapital bazasını 11,4 milyon manat artırıb.

"Report" bu barədə Banka istinadən xəbər verir.

Məlumata görə, kapital artımı nominal dəyəri 1 manat olan 11 388 889 imtiyazlı səhmin dövriyyəyə buraxılması ilə baş tutub. Səhmlər tam yerləşdirilib.

“MKOB və pərakəndə satış seqmentləri daxilində inkişaf planlarımızı dəstəkləmək üçün daha bir mərhələni uğurla başa vurduq. Səhmdarlarımızın “Access Bank”a və Azərbaycanın bank sektoruna olan inamını görməkdən məmnunuq. Kapital artımı isə müştərilərimizə xidmət etmək və ehtiyaclarını ödəmək üçün əlavə stimul verir”, - deyə “Access Bank”ın İdarə Heyətinin sədri Davit Tsiklauri bildirib.