Azərbaycanda 25 BOKT-un nizamnamə kapitalı 1 milyon manata çatmır

Maliyyə

December 27, 2024 12:31

Azərbaycanda 25 BOKT-un nizamnamə kapitalı 1 milyon manata çatmır

Azərbaycanda fəaliyyət göstərən 57 bank olmayan kredit təşkilatından (BOKT) 25-nin nizamnamə kapitalı 1 milyon manatdan azdır.

"Report" xəbər verir ki, həmin BOKT-lar aşağıdakılardır.

№	BOKT-un adı	BOKT-un nizamnamə kapitalı (milyon manat)
1	Merkuri	0,823
2	İDK	0,722
3	Viator Microcredit Azerbaijan	0,693
4	İdeal Credit	0,646
5	Finance Credit	0,641
6	Caucasus-Credit	0,592
7	Azinvestcredit	0,507
8	Regional	0,500
9	TCF	0,450
10	Azeri Star Microfinance	0,405
11	Aset Financial Technologies	0,400
12	Premier Credit	0,400
13	Finance İnvest	0,371
14	Executive Credit Agency	0,324
15	Azcredit	0,300
16	Azfinance	0,300
17	Azpul	0,300
18	E-Credit	0,300
19	Finance for Development	0,300
20	Fincapital	0,300
21	FNC	0,300
22	Kredex	0,300
23	MJ Financial Services	0,300
24	SF Azerbaijan	0,300
25	Eurasia-Credit	0,001

Xatırladaq ki, ötən ay Azərbaycan Mərkəzi Bankının (AMB) İdarə Heyəti “Bank olmayan kredit təşkilatlarının fəaliyyətinin prudensial tənzimlənməsi Qaydası”nı təsdiq edib. Bununla bağlı AMB-nin sədri Taleh Kazımov yeni qərar imzalayıb.

Qərara əsasən, BOKT-lar üçün nizamnamə kapitalı tələbi 3 dəfədən çox artırılıb. Belə ki, kapital tələbi kommersiya hüquqi şəxsi formasında yaradılan BOKT-lar üçün 300 min manatdan 1 milyon manata, qeyri-kommersiya hüquqi şəxsi formasında yaradılan BOKT-lar üçün isə 30 min manatdan 100 min manata çatdırılıb. İndiyə qədər qüvvədə olan kapital tələbi ləğv edilmiş Maliyyə Bazarlarına Nəzarət Palatasının 7 iyul 2017-ci ildə təsdiqlədiyi “Bank olmayan kredit təşkilatlarının prudensial tənzimlənməsi Qaydaları”nda öz əksini tapmışdı. Yeni qərarla həmin Qaydalar qüvvədən düşüb.