AZAL-ın dövlət zəmanətli borcu 650 mln. manatı üstələyib

AZAL-ın dövlət zəmanətli borcu 650 mln. manatı üstələyib Maliyyə naziri bildirib ki, dövlət borcuna xidmətlə bağlı heç bir problem olmayıb
Maliyyə
1225
31 May , 2016 14:17
AZAL-ın dövlət zəmanətli borcu 650 mln. manatı üstələyib

Bakı. 31 may. REPORT.AZ/ "Azərbaycan Havə Yolları" (AZAL) QSC-nin dövlət zəmanətli borclarının ümumi həcmi 650 mln. manatdan artıqdır. "Report"un verdiyi xəbərə görə, bu barədə maliyyə naziri Samir Şərifov məlumat verib.

"AZAL-la bağlı məsələ daim höklumətin diqqətindədir. AZAL-a dövlət tərəfindən mütəmadi yardımlar göstərilir. Bura həm güzəştli şərtlərlə yanacağın satılması, həm dövlət zəmanəti ilə kreditlərin verilməsi, müyyən dövrlərdə borcların silinməsi daxildir", - deyə nazir əlavə edib.

S.Şərifov qeyd edib ki, AZAL-ın dövlət zəmanətli borclarının həcmi 650 mln. manatdan artıqdır: "Bu vəsaitlər yeni təyyarələrin alınması və digər məqsədlərə istifadə olunmalıdır. Həmin təyyarələrdən səmərəli istifadə etmək, şirkətin gəlirliyinin artırılmasına şirkət tərəfindən üstünlük verilməlidir".

Nazir bildirib ki, dövlət borcuna xidmətlə bağlı hər hansı problem olmayıb.

Son xəbərlər

Orphus sistemi