ARDNF investisiya portfelində daşınmaz əmlakın payını artırıb

Bu il iyulun 1-nə Azərbaycan Dövlət Neft Fondunun (ARDNF) investisiya portfelində istiqrazlar və digər pul bazarı alətlərinin xüsusi çəkisi 62,5 % təşkil edib ki, bu da ötən ilin eyni dövrünün göstəriciləri ilə müqayisədə 0,4 faiz bəndi azdır.

"Report" bu barədə Fonda istinadən xəbər verir.

Məlumata görə, bunun əvəzində ARDNF investisiya portfelində səhmlərin və qızılın payı dəyişməyərək müvafiq olaraq 17,9 % və 13,1% olub, daşınmaz əmlakın payı isə 6,1 %-dən 6,5 %-ə qalxıb.

Hazırda ARDNF-in 101,8 ton qızılı var ki, bu da 1 il əvvələ nisbətən eyni həcmdədir.

Bu il iyulun 1-nə ARDNF-in aktivləri 45 milyard 306,8 milyon ABŞ dolları təşkil edib ki, bu da ötən il iyulun 1-i ilə müqayisədə 0,6 % çoxdur.