ARDNF investisiya portfelində AAA reytinqli maliyyə alətlərinin payını azaldıb

2023-cü ilin sonuna Azərbaycan Dövlət Neft Fondunun (ARDNF) istiqrazlar və digər pul bazarı alətləri üzrə investisiya portfelinin 68,1 %-i AAA reytinqli olub ki, bu da 2022-ci ilin sonuna nisbətən 5,6 faiz bəndi azdır.

"Report" bu barədə Fonda istinadən xəbər verir.

Məlumata görə, ARDNF AA reytinqi alətlərin xüsusi çəkisini 14,8 %-dən 16,6 %-ə, A reytinqi alətlərin xüsusi çəkisini isə 8 %-dən 8,6 %-ə yüksəldib.

Hesabat dövründə Fondun investisiya portfelində BBB reytinqli alətlərin payı 2,8 %-dən 6,5 %-ə qaldırılıb, qeyri-investisiya dərəcəli alətlərin xüsusi çəkisi isə 0,6 %-dən 0,2 %-ə endirilib.