ARDNF investisiya portfelində "AAA" reytinqli istiqrazların payını 4,7 faiz bəndi artırıb

Bu il iyulun 1-nə Azərbaycan Dövlət Neft Fondunun (ARDNF) istiqrazlar və digər pul bazarı alətləri üzrə investisiya portfelinin 73,4 %-i "AAA" reytinqli olub ki, bu, 2022-ci ilin eyni dövrü ilə müqayisədə 4,7 faiz bəndi çoxdur.

"Report" bu barədə Fonda istinadən xəbər verir.

Məlumata görə, "AA" reytinqli alətlərin xüsusi çəkisi ötən ilin eyni dövrü ilə müqayisədə dəyişməyərək 15,7 % səviyyəsində qalıb, "A" reytinqli alətlərin xüsusi çəkisi isə 10,2 %-dən 2,9 %-ə endirilib.

Hesabat dövründə Fondun investisiya portfelində "BBB" reytinqli alətlərin payı 4,6 %-dən 3,3 %-ə, qeyri-investisiya dərəcəli alətlərin xüsusi çəkisi isə 0,8 %-dən 0,3 %-ə endirilib.