ARDNF-in pul bazarı alətləri üzrə investisiya portfelinin reytinqlər üzrə tərkibi dəyişib

Bu ilin yanvar-sentyabr ayları ərzində Azərbaycan Dövlət Neft Fondunun (ARDNF) istiqrazlar və digər pul bazarı alətləri üzrə investisiya portfelinin 69,9 %-i "AAA" reytinqli olub ki, bu, 2021-ci ilin 9 ayına nisbətən 11,4 faiz bəndi çoxdur.

"Report" bu barədə Fonda istinadən xəbər verir.

Məlumata görə, ARDNF "AA" reytinqi alətlərin xüsusi çəkisini 15,7 %-dən 16,7 %-ə qaldırıb, "A" reytinqli alətlərin xüsusi çəkisini isə 16,6 %-dən 10 %-ə endirib.

Hesabat dövründə Fondun investisiya portfelində "BBB" reytinqli alətlərin payı 8 %-dən 2,6 %-ə, qeyri-investisiya dərəcəli alətlərin xüsusi çəkisi isə 1,2 %-dən 0,8 %-ə endirilib.