ARDNF-in investisiya portfelində 5 ildən artıq müddətə buraxılmış istiqrazların payı 27 %-dən çoxdur

Bu il yanvarın 1-nə Azərbaycan Dövlət Neft Fondunun (ARDNF) investisiya portfelindəki istiqrazlar və digər pul bazarı alətlərinin 17 %-nin müddəti 1 ilə qədər olub.

Bu barədə "Report" Fonda istinadən xəbər verir.

Məlumata görə, bu, ötən il yanvarın 1-i ilə müqayisədə 7 faiz bəndi azdır.

İl ərzində müddəti 1 ildən 3 ilə qədər olan istiqrazların payı isə 3,3 faiz bəndi artaraq 29,3 % olub.

Hesabat dövründə müddəti 3 ildən 5 ilə qədər olan istiqrazların payı 4 faiz bəndi artaraq 26,4 %-ə çatıb, müddəti 5 ildən artıq olan istiqrazların payı isə 0,3 faiz bəndi azalaraq 27,3 %-ə düşüb.