ARDNF-in borc alətlərinin 72,8 %-i AAA reytinqlidir

Bu ilin üçüncü rübün sonuna Azərbaycan Dövlət Neft Fondunun (ARDNF) istiqrazlar və digər pul bazarı alətləri üzrə investisiya portfelinin 72,8 %-i AAA reytinqli olub ki, bu, 2022-ci ilin üçüncü rübünün sonuna nisbətən 2,9 faiz bəndi çoxdur.

"Report" bu barədə Fonda istinadən xəbər verir.

Məlumata görə, ARDNF AA reytinqi alətlərin xüsusi çəkisini 16,7 %-dən 15 %-ə endirib, A reytinqi alətlərin xüsusi çəkisini isə 10 %-dən 8,1 %-ə endirib.

Hesabat dövründə Fondun investisiya portfelində BBB reytinqli alətlərin payı 2,6 %-dən 3,5 %-ə artırılıb, qeyri-investisiya dərəcəli alətlərin xüsusi çəkisi isə 0,8 %-dən 0,6 %-ə endirilib.