“Aqrar Tədarük və Təchizat” sığortaçı seçir

Kənd Təsərrüfatı Nazirliyinə məxsus “Aqrar Tədarük və Təchizat” ASC yük avtomobillərinin 1 illik könüllü (KASKO) sığorta olunması üçün açıq tender elan edib.

“Report” xəbər verir ki, tenderdə iştirak haqqı 100 manatdır.

İddiaçılar ilkin sənədləri fevralın 21-I, saat 12:00-a qədər, tender təklifi və onun dəyərinin 1%-i qədər bank təminatını isə martın 1-I, saat 18:00-a qədər səhmdar cəmiyyətin Bakı şəhəri, Qaradağ rayonu, Lökbatan qəsəbəsi, Xocasən yolu, 57 ünvanında yerləşən inzibati binasına təqdim edə bilərlər.

Təkliflərə martın 2-də, saat 12:00-da qeyd olunan ünvanda baxılacaq.