AMB və IFC "yaşıl iqtisadiyyat"ın inkişafını müzakirə edib

Azərbaycan Mərkəzi Bankı (AMB) və Beynəlxalq Maliyyə Korporasiyası (IFC) arasında "yaşıl iqtisadiyyat"a keçid üzrə müəyyən edilmiş strateji prioritetlər müzakirə edilib.

“Report” xəbər verir ki, bunu AMB-nin sədri Taleh Kazımov “X” sosial şəbəkəsindəki hesabında bildirib.

O qeyd edib ki, müzakirələr IFC-nin Avropa üzrə regional direktoru İnes Roşanın rəhbərlik etdiyi nümayəndə heyəti ilə görüşdə baş tutub.

Görüş çərçivəsində, ölkədə yaşıl iqtisadiyyatın inkişafı üçün zəruri infrastrukturun formalaşdırılmasına yönəlmiş təşəbbüslər və AMB-nin dayanıqlı maliyyə üzrə gündəliyində duran mühüm məsələlər müzakirə olunub. Həmçinin, qurumlar arasında ikitərəfli maraq doğuran mövzular və əməkdaşlıq perspektivləri ətrafında fikir mübadiləsi aparılıb.