AMB-nin notlarına tələb təklifi 3 dəfə üstələyib

Bakı. 6 sentyabr. REPORT.AZ/ Bu gün Bakı Fond Birjasında (BFB) Azərbaycan Mərkəzi Bankının (AMB) 50100360S dövlət qeydiyyat nömrəli, 150 mln. manatlıq, 28 gün tədavül müddətli qısamüddətli notlarının yerləşdirilməsi üzrə hərrac keçirilib.

“Report” BFB-yə istinadən xəbər verir ki, hərraca 17 investor qiyməti 99,2278 manat (10.01%) olan 21 sifariş təqdim edib. Elə bu qiymət də AMB-nin qərarına əsasən, istiqrazların kəsmə və orta ölçülmüş qiyməti müəyyən olunub.

İstiqrazların nominal qiymətlə ümumi məbləği 453 008 800 manat, yerləşdirilmiş məbləği isə 150 mln. manat təşkil edib. Qiymətli kağızların ödəmə tarixi 4 oktyabr 2017-ci ildir.