Mərkəzi Bank CƏB üzrə profisitə dair proqnozunu dəyişməyib

Azərbaycan Mərkəzi Bankı (AMB) baza ssenari əsasında cari əməliyyatlar balansının (CƏB) profisiti ilə bağlı bu ilin iyul ayında verdiyi proqnozu dəyişməyib.

"Report" xəbər verir ki, bunu AMB-də keçirilən brifinqdə qurumun Statistika departamentinin direktoru Samir Nəsirov bildirib.

Onun sözlərinə görə, bu göstəricinin 6-7 milyard ABŞ dolları olacağı proqnozlaşdırılır.

Qeyd edək ki, bu ilin I yarısında Azərbaycanın cari əməliyyatlar balansında təxminən 2,6 milyard ABŞ dolları profisit yaranıb.