AMB baza və illik inflyasiya arasında fərqin səbəbini açıqlayıb

Azərbaycanda baza və illik inflyasiya arasında fərq əsasən bu ilin yanvar ayında tənzimlənmiş qiymətlərdən qaynaqlanır.

“Report” xəbər verir ki, bunu Azərbaycan Mərkəzi Bankının (AMB) sədri Taleh Kazımov rəhbərlik etdiyi qurumun faiz dəhlizinin parametrləri ilə bağlı qərarına həsr olunmuş mətbuat konfransında bildirib.

Xatırladaq ki, bu ilin yanvar ayında Dövlət Neft Şirkəti (SOCAR), Azərbaycan Dövlət Su Ehtiyatları Agentliyi, “Azenerji” və “Azəristiliktəchizat” ASC-lərdən daxil olmuş müraciətlər əsasında Tarif (qiymət) Şurasının iclasında bir sıra kommunal xidmətlərin qiymətləri tənzimlənib.