Aİİ-nin ümumi daxili məhsulunda azalma 2,5% təşkil edəcək

“Bu ilin yekunlarına görə Avrasiya İqtisadi İttifaqının (Aİİ) ümumi daxili məhsulunda (ÜDM) azalma 2-2,5% təşkil edəcək”.

“Report” xəbər verir ki, bu proqnozu TASS-a müsahibəsində Avrasiya İqtisadi Komissiyasının (AİK) Kollegiyasının sədri Mixail Myasnikoviç deyib.

"Proqnoz vermək riskli bir işdir. Biz, AİK olaraq hesab edirik ki, bir sıra reytinq agentliklərinin və beynəlxalq maliyyə təşkilatlarının Rusiya Federasiyası, Belarus və bütün Avrasiya İqtisadi İttifaqının iqtisadiyyatında 5-7%, hətta 10%-lik azalmanın qeydə alınacağı ilə bağlı fərziyyələri özünü doğrultmadı. Hesab edirik ki, 2021-ci illə müqayisədə 2%, maksimum 2,5% azalma qeydə alına bilər”, - o bildirib.