“AFB Bank”ın rəhbərliyi dəyişib

“AFB Bank”ın rəhbərliyi dəyişib Bankın Müşahidə Şurasına yeni sədr təyin edilib
Maliyyə
1727
5 Aprel , 2017 11:21
“AFB Bank”ın rəhbərliyi dəyişib

Bakı. 5 aprel. REPORT.AZ/ “AFB Bank” ASC-nin Müşahidə Şurasının sədri dəyişib.

“Report”un əldə etdiyi məlumata görə, bu vəzifəyə Vüsal Eynullayev gətirilib. O, bundan əvvəl “Bank of Baku” ASC-nin İdarə Heyətinin (İH) sədr müavini olub.

V.Eynullayev yeni vəzifəsində Məhəmməd Cahangirzadəni əvəz edib. MŞ-nın keçmiş sədrinə isə “Gilan Holdinq”də vəzifə verildiyi bildirilir.

Bundan başqa, “Rabitəbank” ASC-nin İH-nin keçmiş sədr müavini Aydın Hüseynov “AFB Bank”ın İH sədrinin 1-ci müavini təyin edilib. Qeyd edək ki, bu bankda İH-nin sədri vəzifəsi indiyə qədər vakant olub və banka rəhbərliyi sədr müavini Natiq Namazov həyata keçirib. 1-ci müavin təyinatından sonra isə avtomatik olaraq kredit təşkilatına A.Hüseynov rəhbərlik etməyə başlayıb.

Xatırladaq ki, "AFB Bank" 2008-ci ildə "Azfinansbank" adı ilə fəaliyyətə başlayıb, 2009-cu ildə rebrendinq edib. Onun nizamnamə kapitalı 70,394 mln. manatdır. Bankın səhmlərinin 99,64%-i "Gilan" MMC-yə, 0,18%-i Tahir Cəmil oğlu Muradova (Bankın daxil olduğu "Gilan Holdinq" MMC-nin İdarə Heyətinin sədri), 0,18%-i isə Əkbər Həsən oğlu Abdullayevə məxsusdur. 

Son xəbərlər

Orphus sistemi