2025-2030-cu illərdə iqlim dəyişmələrinin yaradacağı maliyyə çatışmazlığı açıqlanıb

Bəzi hesablamalara görə, 2020-2025-ci illərdə iqlim dəyişmələri ildə 1 trilyon ABŞ dolları, 2025-2030-cu illərdə isə ildə 1,4 trilyon ABŞ dolları maliyyə çatışmazlığı yaradacaq.

"Report" xəbər verir ki, bunu Dayanıqlı İnkişaf üzrə Milli Əlaqələndirmə Şurasının Katibliyinin rəhbəri, İqtisadiyyat Nazirliyinin şöbə müdiri Hüseyn Hüseynov Bakıda keçirilən "Azərbaycanda Yaşıl Tikinti" mövzusunda dəyirmi masada bildirib.

O, qeyd edib ki, iqlim dəyişmələrinin yaratdığı maliyyə çatışmazlığını yalnız dövlətlərin hesabına aradan qaldırılması mümkün görünmür: "Özəl sektorun da maliyyə çatışmazlığının aradan qaldırılmasına cəlb olunması vacibdir. Amma bu məsələdə dövlət də dəstək göstərməlidir".