Türkiyənin qadın voleybolçuları Almaniyanı məğlub edib

Türkiyənin qadınlardan ibarət voleybol milli komandası ABŞ-də keçirilən FIVB Millətlər Liqasının (VNL) ikinci həftəsinin ilk oyununda Almaniyaya qalib gəlib.

“Report” xəbər verir ki, Texas ştatının Arlinqton şəhərində baş tutan matçda rəqibini 3:1 hesabı ilə məğlub edən "ay-ulduzlular"ın heyətində Melissa Varqas 23 xalla ən məhsuldar oyunçu olub.

Beləliklə, Türkiyə millisi VNL-dəki beşinci qarşılaşmasında üçüncü qələbəsini qazanıb. Komandanın növbəti oyunu Serbiya millisinə qarşı olacaq.

Qeyd edək ki, Türkiyə yığması Antalyada keçirilən VNL-in ilk həftəsində iki qələbə qazanıb, iki dəfə də uduzub.