"Şəki"nin məşqçilər korpusuna daha bir mütəxəssis qoşulub

"Şəki" basketbol klubunun məşqçilər korpusuna daha bir mütəxəssis qoşulub.

Klubun mətbuat xidmətindən "Report"a verilən məlumata görə, ötən mövsüm də "Şəki"də çalışmış Etibar Bağırov klubda 3-cü məşqçi funksiyasını icra edəcək.

O, komandanın fitnes hazırlığına cavabdehlik daşıyacaq.

Qeyd edək ki, komandanın baş məşqçisi türkiyəli Bedri Meriç, köməkçisi isə Vüqar Musayev olacaq.