Yuxarı
    Bağlamaq

    Olimpiya Oyunlarında idmançı və medal dəsti sayına məhdudiyyət qoyulub

    Yay Olimpiya Oyunlarında 10 500-dək idmançı 310, Qış olimpiadasında isə 2900-dək idmançı 100 dəst medal uğrunda mübarizə aparacaq

    Bakı. 8 dekabr. REPORT.AZ/ Olimpiya Oyunlarında iştirakçı və medal dəsti sayına məhdudiyyət qoyulub. "Report"un məlumatına görə, bu barədə Beynəlxalq Olimpiya Komitəsinin (İOC) Monakoda keçirilən sessiyasında qərar qəbul olunub. 

    Qərara alınıb ki, Yay Olimpiya Oyunlarında 10 500-dək, Qış olimpiadasında isə 2900-dək idmançı iştirak etsin. Yay olimpiadalarında 310, Qış olimpiadalarında isə 100 dəst medal uğrunda mübarizə gedəcək. 

    Eyni zamanda Oyunların Təşkilat komitələrinə proqrama salınması üçün hər hansı idman növünü təklif etmək hüququ verilib. İOC üzvləri Olimpiya Oyunlarının iştirakçıları arasında gender bərabərliyinin möhkəmləndirilməsinə dair təklifləri də qəbul ediblər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi