​Olimpiya çempionu vəfat edib

Bakı. 5 yanvar. REPORT.AZ/ Qılıncoynatma üzrə olimpiya çempionu Olqa Knyazeva vəfat edib. "Report"un "Tatar-inform"a istinadən verdiyi məlumata görə, 61 yaşlı sabiq çempion Tatarıstanın Kazan şəhərində dünyasını dəyişib.

O, bu gün torpağa tapşırılacaq. Mərhumla vida mərasimi Kazanda yerləşən "Dinamo" idman kompleksində keçiriləcək.

Qeyd edək ki, O.Knyazeva qılıncoynatmanın rapira növü üzrə 1975-ci ildə dünya çempionu olmuş, bir il sonra isə Monrealda keçirilən olimpiya yarışlarında qızıl medala sahib çıxmışdı.