"Neftçi" iki basketbolçu ilə anlaşıb

"Neftçi"nin basketbol komandası heyətini yeni oyunçularla gücləndirib.

Bu barədə "Report"a "Neftçi" İdman Klubunun mətbuat xidmətindən məlumat verilib.

Azərbaycan Basket Liqasında mübarizə aparan komanda ABŞ-dən olan iki basketbolçu ilə anlaşıb.

Derrel Camal Brentli və De Ancelo Uilyam Stüart ilə rəsmi müqavilə imzalanıb.

Qeyd edək ki, "ağ-qaralar" bu gün Ayzeya Lyuis, Alonso Kempbel, Broderik Robinson və Bobi Harvi ilə vidalaşdıqlarını açıqlayıb.