Yuxarı
    Bağlamaq

    Milli komandamız Avropa çempionatında çıxış edəcək

    Taekvondoçularımız “Turkish Open” beynəlxalq turnirinə də qatılacaqlar

    Bakı. 3 fevral. REPORT.AZ/ Türkiyənin Antalya şəhərində fevralın 6-9-da taekvondo üzrə klublararası Avropa çempionatı keçiriləcək. 

    Azərbaycan Taekvondo Federasiyasından "Report"a verilən məlumata görə, sayca 5-ci dəfə təşkil olunacaq G1 kateqoriyalı birincilikdə Azərbaycan millisi də iştirak edəcək. Yarışda ölkəmizdə fəaliyyət göstərən "Gilan", "Savalan", "Gafgaz", "Zenit", “Təhsil”, "Gömrükçü" (1 və 2), “Fərasət”, “T. İsmayılov”, "Aran" klublarının idmançıları, həmçinin Lənkəran, Quba və Gəncə UGİM-lərinin üzvləri medallar uğrunda mübarizəyə qoşulacaq.

    Bir gün fasilədən sora 11 fevralda sayca 4-cü olan “Turkish Open” beynəlxalq turnir başlanacaq. 4 gün davam edəcək turnirə də yeniyetmə, gənc və böyüklərdən ibarət yığma komandamız geniş heyətlə qatılacaq.

    Yarışlarda ədalət təmsilçilərimizdən isə federasiyanın Hakimlər Komitəsinin sədri, beynəlxalq dərəcəli hakim Elşən Quliyev, Elşad Məmmədov, Tural Vəlibəyov, Ramal Camalov və Çoşqun Nadirli iştirak edəcək. Azərbaycan Taekvondo Federasiyasının vitse-prezidenti Niyaməddin Paşayevin rəhbərliyi ilə fevralın 4-də qardaş ölkəyə yollanacaq komanda, vətənə fevralın 16-da qayıdacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi