Yuxarı

İspaniya yığması üçqat Avropa çempionu olub

Litva millisi ardıcıl ikinci dəfə finalda uduzub

Bakı. 21 sentyabr. REPORT.AZ/ Fransada kişi basketbolçular arasında keçirilmiş Avropa çempionatına yekun vurulub. "Report"un məlumatına görə, finalda İspaniya və Litva yığmaları üz-üzə gəlib. 

Görüş İspaniyanın qələbəsi ilə yekunlaşıb - 80:63. Ən məhsuldar oyunçu qalib komandada yer alan Pau Qazol olub. 25 xal yığan 35 yaşlı Qazol həm də ən qiymətli oyunçu sayılıb. 

Qeyd edək ki, bu, İspaniya millisinin 3-cü Avropa çempionluğu olub. Əvvəlki çempionluqlar 2009 və 2011-ci illərdə qazanılıb. Litva yığması ardıcıl 2-ci dəfə finalda yenilib. Amma hər iki komanda 2016-cı il Rio-de-Janeyro Yay Olimpiya Oyunlarına lisenziya qazanıb. Bürünc medalı isə 3-cü yer uğrunda görüşdə Serbiyanı 86:81 hesabı ilə yenən Fransa qazanıb. 

Avropa çempionatı, final

İspaniya - Litva - 80:63 (19:8, 22:25, 19:10, 20:20)

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi