İslamiada: Azərbaycanın qadın voleybolçulardan ibarət millisi bürünc medal qazanıb

Azərbaycanın qadın voleybolçulardan ibarət millisi Türkiyənin Konya şəhərində keçirilən V İslam Həmrəylik Oyunlarında bürünc medal qazanıb.

"Report"un Konyaya ezam olunmuş əməkdaşının verdiyi məlumata görə, yığma üçüncülük uğrunda görüşdə Kamerunla üz-üzə gəlib.

Qarşılaşma Azərbaycan komandasının 3:0 (27:25, 25:13, 25:17) hesablı qələbəsi ilə yekunlaşıb.

Qeyd edək ki, finalda Türkiyə və İran yığmaları üz-üzə gələcək.