Yuxarı
    Bağlamaq

    "Heydər zirvəsi"ndə ulu öndər Heydər Əliyevin xatirəsi yad edilib

    FAİREX idmançılarının bir qrupu çətin hava şəraitinə baxmayaraq, dekabrın 10-da zirvəyə qalxa biliblər

    Bakı. 12 dekabr. REPORT.AZ/ Ümummilli lider Heydər Əliyevin anım günü ilə əlaqədar Böyük Qafqazın Başdağ silsiləsinin Qızıl Qaya massivində 3 751 metr hündürlükdə yerləşən "Heydər zirvəsi"nə yürüş uğurla başa çatıb. Bu barədə "Report"a Azərbaycan Hava və Ekstremal İdman Növləri Federasiyasından (FAİREX) məlumat verilib. 

    Məlumata görə, artıq ənənəyə çevrilən yürüşdə FAİREX idmançılarının bir qrupu çətin hava şəraitinə baxmayaraq, dekabrın 10-da zirvəyə qalxaraq ümummilli lider Heydər Əliyevin barelyefi önünə qızılgül dəstələri qoyaraq ulu öndərin xatirəsini yad ediblər.

    Qeyd edək ki, yürüş Azərbaycan Dağçılıq və Ekstremal İdman Növləri Federasiyaları Assosiasiyasının təşkilatçılığı və Azərbaycan Hava və Ekstremal İdman Növləri Federasiyasının dəstəyi ilə baş tutub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi