​Gənclər evləri ilə bağlı hökumətə müraciət edilib

Bakı. 29 dekabr. REPORT.AZ/ Gənclər evlərinin sayı 30-a çatıb. "Report"un məlumatına görə, bunu Azərbaycanın gənclər və idman naziri Azad Rəhimov 2014-cü ilin yekunları ilə bağlı bu gün keçirdiyi mətbuat konfransında bildirib. 

Nazir onların saxlanılması xərclərilə bağlı hökumətə təkliflə müraciət edildiyini də söyləyib.

Daşkəsəndə yeni açılan gənclər evində qalan insanın uzun müddət xəstələnməyəcəyini vurğulayan A.Rəhimov bu il gənclərlə bağlı 156 tədbir keçirildiyini deyib. O bu tədbirlərin 122-nin yerli, 34-nün isə beynəlxalq tədbir olduğunu bildirib.