Yuxarı
    Bağlamaq

    Əmrah Çəlikəl: "Qarşıdakı mövsümdə də ölkəmizi yüksək səviyyədə təmsil edəcəyik"

    Qarabağ yeni transferlərə çempionat yekunlaşdıqdan sonra başlayacaq

    Bakı. 1 May. REPORT.AZ/ "Bizi çempionluq münasibətilə təbrik edən hər kəsə təşəkkürümü bildirirəm. Qarşıdakı mövsümdə də ölkəmizi yüksək səviyyədə təmsil edəcəyik" - Bunu "Report"a açıqlamasında "Qarabağ" futbol klubunun direktoru Əmrah Çəlikəl deyib.

    O bildirib ki, klub prezidenti Tahir Gözəl hazırda xaricdə olsa da, komanda ilə mütəmadi əlaqə saxlayıb və "Zirə" ilə matçı da izləyib: "O da təbriklərini komandaya, azarkeşlərimizə çatdırıb".

    Çəlikəl komandanın mükafatlandırılmasının rəhbərliyin işi olduğunu bildirib: "Yəqin ki, mükafatlandırma həmişəkitək ən layiqli şəkildə, yaxşı səviyyədə olacaq".

    Bu mövsümü də "qızıl dubl"la başa vurmaq istədiklərini deyən "Qarabağ" rəsmisi yeni transferlər üzərində işə çempionat yekunlaşdıqdan sonra başlayacaqlarını vurğulayıb. O, hələ çempionluq kubokunu Ağdama aparmalarına dair qərar qəbul edilmədiyini əlavə edib: "Hələ danışırıq. Tam qərar qəbul etməmişik, amma belə bir niyyətimiz var".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi