Yuxarı
    Bağlamaq

    ​Bu gün Azərbaycan klubu CEV Kubokunda cavab görüşünü keçirəcək

    Azərbaycan təmsilçisi ilk görüşdə 0:3 hesabı ilə məğlub olub

    Bakı. 10 noyabr. REPORT.AZ/ Azərbaycanın qadın voleybolçulardan ibarət "Azəryol" klubu bu gün CEV Kubokunun 1/16 finalında Rumıniyanın "Tarqovitse" komandası ilə cavab görüşünə çıxacaq. "Report"un məlumatına görə, qarşılaşma Voleybol Mərkəzində keçiriləcək.

    İlk görüşdə Azərbaycan təmsilçisi 0:3 hesabı ilə məğlub olub. Növbəti mərhələyə yüksəlmək üçün "Azəryol" rəqibini 3:1 və ya 3:0 hesabı ilə məğlub etməlidir. Belə olan halda komandalar "tay-brek"də münasibətlərinə aydınlıq gətirəcəklər. "Tarqovitse"nin qələbəsi və "Azəryol"un 3:2 hesablı qalibiyyəti isə Azərbaycan təmsilçisinin avrokubokda mübarizəni dayandırması ilə nəticələnəcək.

    Saat 18:00-da start götürəcək görüşü bolqarıstanlı Lyubomir Sırakov və rusiyalı Kirill Nesterenko idarə edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi