Belçikanın qadın basketbol komandası ilk dəfə Avropa çempionu olub

Belçikanın qadın basketbol komandası İspaniya yığmasını məğlub edərək ilk dəfə Avropa çempionatının qalibi olub.

“Report” xəbər verir ki, qarşılaşma Lyublyanada baş tutub.

Görüş 64:58 hesabı ilə Belçika yığmasının xeyrinə başa çatıb. Həmin gün üçüncü yer uğrunda oyunda Fransa yığması Macarıstan komandasını 82:68 hesabı ilə məğlub edib.

Belçika millisi tarixdə ilk dəfə Avropa çempionu olub, İspaniya yığması bundan əvvəl dörd dəfə turnirin qalibi adını qazanıb.

Çempionat bu il Lyublyana və Tel-Əvivdə keçirilib.