Bakıda keçirilən Formula-1 üzrə Avropa Qran Prisinin ən yaxşı pilotu müəyyənləşib

Bakı. 21 iyun. REPORT.AZ/ "Force India" komandasının meksikalı pilotu Serxio Peres iyunun 17-19-da Bakıda keçirilmiş Formula-1 üzrə Avropa Qran Prisinin ən yaxşı yürüşçüsü seçilib.

"Report" xəbər verir ki, S.Peres Formula-1-in rəsmi saytında azarkeşlər arasında keçirilən səsvermə nəticəsində ən yaxşı seçilib.

Qeyd edək ki, S.Peres təsnifat mərhələsində 2-ci yeri tutsa da, ötürücü qutunun dəyişdirilməsi səbəbindən yarışa 7-ci sırada başlamaq məcburiyyətində qalıb. Sonda isə o, üçüncü yeri tutub. İlk iki yeri isə alman pilotlar - Niko Rosberq və Sebastyan Fettel tutub.