Yuxarı
    Bağlamaq

    Bakıda keçiriləcək "Formula-1" üçün kömək edəcək marşallarla bağlı tədbir keçirilib

    Marşal olmaq üçün müraciətlər fevralın ortalarına qədər qəbul olunacaq

    Bakı. 23 yanvar. REPORT.AZ/ Bu il Bakıda keçiriləcək "Formula-1" üzrə Avropa Qran-Prisi ilə bağlı yarışlara kömək edəcək marşallarla bağlı tədbir keçirilib.

    "Report"un məlumatına görə, əvvəlcə "Bakı Şəhər Halqası" Əməliyyat Şirkətinin nümayəndələri Bakıda keçiriləcək yarış barədə məlumat veriblər.

    Daha sonra iştirakçılara marşallar, onların vəzifələri, marşal olmaq üçün şərtləri barədə geniş məlumat verilib və videoçarxlar nümayiş etdirilib. Bildirilib ki, Avropa Qran-Prisi üçün təxminən 150 yerli marşal tələb olunacaq və onlara lazım olan təlimatlar veriləcək.

    Eyni zamanda, qonaqları maraqlandıran suallara cavab verilib.

    Qeyd edək ki, "Bakı Şəhər Halqası"nda keçiriləcək Avropa Qran-Prisi iyunun 17-19-u keçiriləcək. Marşal olmaq üçün müraciətlər fevralın ortalarına qədər qəbul olunacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi