Yuxarı
    Bağlamaq

    Bakıda atıcılıq üzrə Avropa çempionatının təntənəli açılış mərasimi olub

    Mərasimdə Beynəlxalq Atıcılıq Federasiyası və Avropa Atıcılıq Konfederasiyasının prezidentləri iştirak edib© Foto: Bakı Atıcılıq Kompleksi

    Bakı. 23 iyul. REPORT.AZ/ Bakıda keçirilən atıcılıq idmanı üzrə Avropa çempionatının təntənəli açılış mərasimi keçirilib.

    "Report" xəbər verir ki, Gənclər və İdman nazirinin müavini İsmayıl İsmayılov açılış mərasimində çıxış edərək ölkəmizdə atıcılıq idmanının inkişafı üçün əlverişli şəraitin yaradıldığını, maddi-texniki bazanın ən yüksək tələblərə cavab verdiyini bildirib.

    Beynəlxalq Atıcılıq Federasiyasının prezidenti Oleqario Vaskes Ranya çempionatın Azərbaycanda yüksək səviyyədə təşkilindən məmnunluğunu ifadə edib. Bildirib ki, Bakı mötəbər idman yarışlarının keçirilməsi üçün cəlbedici şəhərdir. O, yüksək təşkilatçılığa və qonaqpərvərliyə görə Azərbaycan Atıcılıq Federasiyasının rəhbərliyinə minnətdarlığını çatdırıb.

    Avropa Atıcılıq Konfederasiyasının (ESC) prezidenti Vladimir Lisin qitə birinciliyinin ölkəmizdə keçirilməsinin əlamətdar hadisə olduğunu vurğulayıb. Çempionatın əhəmiyyətini yüksək qiymətləndirən V.Lisin bu mötəbər turnirə ev sahibliyinə görə Milli Olimpiya Komitəsinə, Azərbaycan Atıcılıq Federasiyasına minnətdarlığını bildirib. Açılış mərasimi bədii hissə ilə davam edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi