Azərbaycanın basketbol yığması Avropa çempionatında növbəti qələbəsini qazanıb

18 yaşadək oğlan basketbolçulardan ibarət Azərbaycan millisi Avropa çempionatının C Divizionunda 5-9-cu yerlər uğrunda keçirdiyi ikinci oyununda da qələbə qazanıb.

“Report”un məlumatına görə, komanda Bakıda Andorra seçməsini 81:55 hesabı ilə məğlub edib.

Ötən gün ilk görüşündə Cəbəllütariqi 75:58 hesabı ilə üstələyən Azərbaycan yığmasının növbəti rəqibi San Marino olacaq. Avqustun 6-da keçiriləcək qarşılaşma saat 12:30-da start götürəcək.