Azərbaycanın basketbol millisi Avropa çempionatının finalına yüksəlib

Andorrada 16 yaşlı qızlar arasında keçirilən basketbol üzrə Avropa çempionatı “C” divizionunda Azərbaycan millisi Gürcüstan yığmasına qarşı yarımfinal oyununa çıxıb.

“Report”un məlumatına görə, Azərbaycanın U-16 qız yığması yarımfinal oyununda hesabda geri düşməsinə baxmayaraq, sonuncu dövrədə geri dönüş edərək yekunda Gürcüstan millisinə 74-72 hesabı ilə qalib gəlib.

Bununla da bütün oyunları qalib tamamlayan U-16 qız millisi, Avropa çempionatının finalına vəsiqə qazanıb. Finalda millinin rəqibi Andorra seçməsi olacaq.

Oyun bu gün Bakı vaxtı ilə saat 21:30 -da baş tutacaq və FIBA -nın rəsmi yutub hesabından canlı yayımlanacaq.